Author(s): Dr. Bholanath Saren
Abstract:
ᱵᱷᱟᱨᱚᱛ ᱫᱚ ᱢᱤᱫᱴᱟᱝ ᱥᱟᱸᱜᱮ ᱯᱟ.ᱨᱥᱤ ᱨᱮᱭᱟᱜ ᱫᱤᱥᱚᱢ ᱠᱟᱱᱟ ᱾ ᱟᱭ-ᱩᱢᱟ.ᱱ ᱱᱚᱣᱟ ᱫᱤᱥᱚᱢ ᱨᱮ ᱜᱩᱴ ᱑᱙,᱕᱐᱐ ᱜᱚᱴᱟᱝ ᱟᱭᱳ ᱯᱟ.ᱨᱥᱤ ᱢᱮᱱᱟᱜᱼᱟ ᱾ ᱚᱱᱟ ᱠᱚ ᱢᱩᱫᱽᱨᱮ ᱥᱟᱱᱛᱟᱲᱤ ᱯᱟ.ᱨᱥᱤ ᱦᱚᱸ ᱢᱤᱫᱴᱟᱝ ᱠᱟᱱᱟ ᱾ ᱥᱟᱱᱛᱟᱲᱤ ᱯᱟ.ᱨᱥᱤ ᱫᱚ ᱥᱟᱱᱛᱟᱲ ᱠᱚᱣᱟᱜ ᱟᱭᱳ ᱯᱟ.ᱨᱥᱤ ᱠᱟᱱᱟ, ᱟᱨ ᱱᱚᱣᱟ ᱯᱟ.ᱨᱥᱤ ᱚᱞ ᱞᱟ.ᱜᱤᱫ ᱪᱤᱠᱤ ᱫᱚ ‘ᱚᱞᱪᱤᱠᱤ’ ᱠᱟᱱᱟ ᱾ ᱚᱞᱪᱤᱠᱤ ᱫᱚ ᱯᱚᱸᱰᱤᱛ ᱨᱚᱜᱷᱩᱱᱟᱛᱷ ᱢᱩᱨᱢᱩ ᱑᱙᱒᱕ ᱥᱮᱨᱢᱟ ᱨᱮᱭ ᱵᱮᱱᱟᱣ ᱞᱮᱫ ᱛᱟᱸᱦᱮᱫ ᱾ ᱯᱚᱸᱰᱤᱛ ᱢᱩᱨᱢᱩ ‘ᱚᱞᱪᱤᱠᱤ’ ᱵᱷᱟᱨᱚᱛ ᱫᱤᱥᱚᱢ ᱯᱷᱩᱨᱜᱟ.ᱞ ᱢᱟᱲᱟᱝ ᱨᱮ ᱵᱮᱱᱟᱣ ᱟᱠᱟᱫ ᱨᱮᱦᱚᱸ ᱱᱚᱣᱟ ᱨᱮᱭᱟᱜ ᱵᱮᱵᱷᱟᱨ ᱥᱮ ᱪᱟᱨᱪᱟ ᱫᱚ ᱫᱤᱥᱚᱢ ᱯᱷᱩᱨᱜᱟ.ᱞ ᱛᱟᱭᱚᱢ ᱜᱮ ᱦᱩᱭ ᱟᱠᱟᱱᱟ ᱾ ᱩᱰᱤᱥᱟ ᱯᱚᱱᱚᱛ ᱨᱮ ᱥᱟᱱᱛᱟᱲᱤ ᱯᱟ.ᱨᱥᱤ-ᱥᱟᱸᱣᱦᱮᱫ ᱞᱟ.ᱜᱤᱫ ᱚᱞᱪᱤᱠᱤ ᱨᱮᱭᱟᱜ ᱯᱟᱥᱱᱟᱣ ᱫᱚ ᱯᱩᱭᱞᱩ ᱮᱛᱚᱦᱚᱵ ᱞᱮᱱ ᱛᱟᱸᱦᱮ ᱠᱟᱱᱟ ᱾ ᱱᱤᱭᱟ. ᱛᱟᱭᱚᱢ ᱵᱤᱦᱟᱨ ᱯᱚᱱᱚᱛ ᱟᱨ ᱯᱚᱥᱪᱷᱤᱢᱵᱟᱝᱞᱟ ᱯᱚᱱᱚᱛ ᱨᱮ ᱦᱩᱭ ᱞᱮᱱ ᱛᱟᱸᱦᱮᱫ ᱾ ᱱᱚᱣᱟ ᱯᱮᱭᱟ ᱯᱚᱱᱚᱛ ᱨᱮ ᱥᱟᱱᱛᱟᱲᱤ ᱯᱟ.ᱨᱥᱤ ᱟᱛᱮ ᱚᱞᱪᱤᱠᱤ ᱛᱟᱞᱟᱛᱮ ᱥᱟᱠᱠᱷᱚᱨᱚᱛᱟ ᱯᱟᱥᱱᱟᱣ ᱨᱮ ‘ᱟᱹᱫᱤᱵᱟᱹᱥᱤ ᱥᱟᱸᱣᱛᱟ ᱥᱮᱪᱮᱫ ᱞᱟᱠᱪᱟᱨ ᱥᱮᱢᱞᱮᱫ’ (Adivasi Socio Education Cultural Association) ᱨᱮᱭᱟᱜ ᱚᱥᱟᱸᱵᱷᱮᱲ ᱮᱱᱮᱢ ᱛᱟᱦᱮᱸ ᱟᱠᱟᱱᱟ ᱾ ᱱᱚᱣᱟ ᱨᱮᱫᱚ ᱖ ᱩᱢᱮᱨᱟᱱ ᱜᱤᱫᱽᱨᱟ. ᱠᱷᱚᱱ ᱖᱐ ᱩᱢᱮᱨᱟᱱ ᱦᱟᱲᱟᱢ-ᱵᱩᱰᱦᱤ ᱦᱚᱸ ᱠᱚ ᱥᱮᱞᱮᱫ ᱛᱟᱦᱮᱸ ᱠᱟᱱᱟ ᱾ ᱵᱷᱟᱨᱚᱛ ᱥᱚᱨᱠᱟᱨ ᱗ ᱡᱟᱱᱩᱣᱟᱹᱨᱤ, ᱒᱐᱐᱔ ᱦᱤᱞᱚᱜ ᱥᱟᱱᱛᱟᱲᱤ ᱯᱟᱹᱨᱥᱤ ᱥᱚᱝᱵᱤᱫᱷᱟᱱ ᱨᱮᱭᱟᱜ ᱤᱨᱟᱹᱞ ᱟᱱᱟᱜ ᱛᱷᱚᱠ ᱨᱮ ᱥᱮᱞᱮᱫ ᱛᱟᱭᱚᱢ ᱚᱞᱪᱤᱠᱤ ᱫᱚ ᱫᱤᱥᱚᱢ ᱨᱤᱱ ᱵᱟᱹᱲᱛᱤ ᱦᱚᱲ ᱜᱮᱠᱚ ᱟᱯᱱᱟᱨ ᱠᱮᱫᱼᱟ ᱾ ᱛᱟᱭᱚᱢ ᱫᱟᱨᱟᱢ ᱚᱞᱪᱤᱠᱤ ᱛᱮ ᱥᱟᱱᱛᱟᱲᱤ ᱯᱟ.ᱨᱥᱤ-ᱥᱟᱸᱣᱦᱮᱫ ᱨᱮᱭᱟᱜ ᱪᱟᱨᱪᱟ ᱫᱤᱥᱚᱢ ᱜᱚᱴᱟ ᱜᱮ ᱮᱦᱚᱵ ᱮᱱᱟ ᱾ ᱡᱟᱦᱟᱸ ᱫᱚ ᱛᱟᱭᱚᱢ ᱫᱟᱨᱟᱢ ᱢᱤᱫ ᱟᱱᱟᱫᱳᱲ ᱨᱮᱭᱟᱜ ᱨᱩᱯ ᱮ ᱧᱟᱢ ᱞᱮᱫ ᱛᱟᱦᱮᱸ ᱠᱟᱱᱟ ᱾
PDF URL: View Article in PDF